امریکا نے قومی سلامتی کے نام پر چین کی ڈرون کمپنی ڈی جے آئی کی نئی ڈرونز پر پابندی عائد کر دی

news-banner

تازہ ترین - 27 دسمبر 2025

امریکا نے قومی سلامتی کے پیش نظر چین کی معروف ڈرون ساز کمپنی ڈی جے آئی کے تمام نئے ڈرونز کی درآمدات اور فروخت پر پابندی عائد کر دی ہے۔

 

فیڈرل کمیونیکیشن کمیشن (FCC) نے ڈی جے آئی، اوٹیل اور دیگر غیر ملکی ڈرونز اور ان کے پرزوں کو اپنی ‘کوورڈ لسٹ’ میں شامل کر لیا ہے۔

 

 ڈی جے آئی دنیا کی سب سے بڑی ڈرون ساز کمپنی ہے اور امریکہ میں کنزیومر ڈرون مارکیٹ کا تقریباً 80 فیصد حصہ رکھتی ہے۔

 

تاہم، ایف سی سی نے واضح کیا ہے کہ موجودہ ڈیوائس ماڈلز، جن کی پہلے ہی منظوری ٹیلی کام ریگولیٹر نے دے دی تھی، کی درآمد، فروخت یا استعمال پر پابندی نہیں ہوگی۔

 

 یہ پابندی ماضی میں خریدے گئے ڈرونز پر بھی لاگو نہیں ہوگی۔