آخری ٹیسٹ کھیلنے والے عثمان خواجہ کو شائقین کا زبردست خراج تحسین

سڈنی: پاکستانی نژاد آسٹریلوی کرکٹر عثمان خواجہ کو اپنے کیریئر کے آخری ممکنہ ٹیسٹ میچ میں شائقین نے بھرپور خراج تحسین پیش کیا۔

ایشیز سیریز کے آخری ٹیسٹ کے تیسرے روز عثمان خواجہ جب بیٹنگ کے لیے میدان میں آئے تو شائقین نے کھڑے ہو کر تالیوں کی گونج کے ساتھ ان کا استقبال کیا۔

ٹیسٹ کرکٹ میں 16 سنچریز اور 28 نصف سنچریز کے ساتھ 6 ہزار سے زائد رنز بنانے والے عثمان خواجہ آخری میچ میں یادگار کارکردگی پیش نہ کر سکے اور صرف 17 رنز بنا کر آؤٹ ہو گئے۔

سڈنی کرکٹ گراؤنڈ عثمان خواجہ کی رخصتی کے وقت بھی مسلسل تالیاں بجا کر گونج رہا تھا۔

 چند روز قبل آسٹریلوی ٹیم پر میچ کی مضبوط گرفت کے سبب انہوں نے بین الاقوامی کرکٹ سے ریٹائرمنٹ کا اعلان کیا تھا، اس لیے ان کی دوسری اننگز میں بیٹنگ کے امکانات نہ ہونے کے برابر ہیں۔