جامعہ کراچی میں سنڈیکیٹ انتخابات: کراچی یونیورسٹی ٹیچرز فیڈریشن نے نمایاں کامیابی حاصل کی

جامعہ کراچی میں ہونے والے سنڈیکیٹ انتخابات میں کراچی یونیورسٹی ٹیچرز فیڈریشن (KUTF) نے میدان مار لیا۔ 

انتخابات رجسٹرار ڈاکٹر عمران کی نگرانی میں دو گروپوں کے درمیان ہوئے، جن میں KUTF نے زیادہ نشستیں جیتیں جبکہ ٹیگ کا ایک امیدوار کامیاب ہوا۔

پروفیسر کی نشست کے لیے آزاد امیدوار پروفیسر ڈاکٹر انیلا امبر ملک نے 31 ووٹ حاصل کیے، کراچی یونیورسٹی ٹیچرز فیڈریشن کے ڈاکٹر حارث شعیب نے 60 ووٹ لے کر کامیابی حاصل کی، جبکہ ٹیگ کے محمد علی 13 ووٹ لے سکے۔

ایسوسی ایٹ پروفیسرز کی نشست کے لیے KUTF کے ڈاکٹر محمد ایاز نے 22 ووٹ حاصل کیے جبکہ ٹیگ کے ڈاکٹر محسن علی 67 ووٹ لے کر کامیاب ہوئے۔

اسسٹنٹ پروفیسرز کیٹیگری میں KUTF کے سید غفران عالم نے 135 ووٹ لے کر کامیابی حاصل کی، ٹیگ کی ڈاکٹر ندا علی نے 78 ووٹ جبکہ آزاد امیدوار ڈاکٹر سید شاہ حسن نے 4 ووٹ حاصل کیے۔

لیکچررز کیٹیگری میں KUTF کی شمائلہ صمد خان 32 ووٹ لے کر کامیاب رہیں، ٹیگ کے ڈاکٹر کاشف ریاض نے 16 اور آزاد امیدوار سید نصیر اختر نے 12 ووٹ حاصل کیے۔

آفیسرز کی نشست پر حسان خان نے 54 ووٹ حاصل کر کے کامیابی حاصل کی، راشد قریشی 14 اور ارمان احمد 4 ووٹ لے سکے۔