ریپبلکن اجلاس میں ٹرمپ کا میکرون پر طنز، ٹیرف کی دھمکی پر ادویات کی قیمتیں بڑھانے کا دعویٰ

امریکی صدر ڈونلڈ ٹرمپ نے ریپبلکن پارٹی کے اجلاس سے خطاب کے دوران فرانسیسی صدر ایمانوئل میکرون کا مذاق اڑاتے ہوئے دعویٰ کیا کہ ان کی سخت دھمکی کے بعد فرانس نے ادویات کی قیمتوں میں نمایاں اضافہ قبول کرلیا۔

ٹرمپ نے طنزیہ انداز میں کہا کہ انہوں نے میکرون کو خبردار کیا تھا کہ اگر پیر تک امریکی شرائط نہ مانیں تو فرانس سے درآمد ہونے والی تمام مصنوعات پر 25 فیصد ٹیرف عائد کردیا جائے گا۔

 ان کے بقول، میکرون نے فوراً رضامندی ظاہر کی اور کہا کہ جو آپ چاہیں وہی ہوگا، بس عوام کو نہ بتایا جائے۔

ٹرمپ نے یہ بھی دعویٰ کیا کہ دیگر ممالک نے ابتدا میں انکار کیا، مگر چند منٹوں میں ہی سب قیمتیں بڑھانے پر آمادہ ہوگئے۔