راولپنڈی میں بیوی کے قتل کا ڈرامہ بےنقاب، شوہر گرفتار

راولپنڈی کے تھانہ روات پولیس نے کارروائی کرتے ہوئے اس شخص کو گرفتار کرلیا ہے جس نے دو ہفتے قبل اپنی اہلیہ کو قتل کر کے الزام اس کے سابق شوہر پر ڈال دیا تھا۔

 ترجمان پولیس کے مطابق قتل میں استعمال ہونے والا پسٹل بھی برآمد کر لیا گیا ہے۔

ملزم نے فائرنگ کرکے اپنی اہلیہ کو قتل کیا اور خود کو معمولی زخمی کر کے واقعے کو سابق شوہر پر حملہ ظاہر کرنے کی کوشش کی۔

 تاہم تفتیش کے دوران ملزم نے جرم کا اعتراف کر لیا، جس کی نشاندہی پر آلہ قتل بھی برآمد ہوا۔

 ایس پی صدر کے مطابق ملزم کو ٹھوس شواہد کے ساتھ عدالت میں چالان کیا جائے گا۔