ایس آئی ایف سی کی سہولت کاری: پاکستان میں نئی کمپنیوں اور سرمایہ کاری میں نمایاں اضافہ

اسلام آباد: ایس آئی ایف سی کی مربوط سہولت کاری کے ذریعے پاکستان میں کاروباری مواقع اور سرمایہ کاری کے دائرہ کار میں واضح اضافہ ہوا ہے۔

سیکیورٹیز اینڈ ایکسچینج کمیشن آف پاکستان (ایس ای سی پی) کی رپورٹ کے مطابق رواں مالی سال اب تک 21,668 نئی کمپنیوں کی رجسٹریشن مکمل ہو چکی ہے، جس سے معیشت میں 30.7 ارب روپے کا پیڈ اپ کیپٹل شامل ہوا، جو گزشتہ سال کے مقابلے میں 29 فیصد زیادہ ہے۔

ملکی کاروباری منظرنامے میں نئی تحریک کے طور پر اب تک 279,724 کمپنیوں کی رجسٹریشن ہوئی ہے۔

 آئی ٹی اور ای کامرس شعبے میں 4,277 نئی کمپنیاں، تجارتی شعبے میں 2,997، سروسز میں 2,686 اور ریئل اسٹیٹ میں 2,031 کمپنیاں شامل ہیں۔

رواں مالی سال غیر ملکی سرمایہ کاری بھی مثبت رہی، جس میں 731 غیر ملکی سرمایہ کاروں نے 524 نئی کمپنیوں کے ذریعے 1.26 ارب روپے سرمایہ کاری کی۔ چین، برطانیہ، جرمنی، جنوبی افریقہ، ویتنام، امریکہ اور یو اے ای کی کمپنیوں نے پاکستان میں رجسٹریشن کروائی، جس میں چین کا حصہ 71 فیصد ہے، جو کاروباری اعتماد میں اضافے کا واضح مظہر ہے۔

ایس ای سی پی کے مطابق نئی کمپنیوں کی رجسٹریشن پاکستان کے کارپوریٹ فریم ورک میں اعتماد اور ٹیکنالوجی و سروسز شعبے میں ترقی کی عکاس ہے۔ 

ایس آئی ایف سی کی جدید اور فیصلہ کن معاونت صنعتی ترقی کو نئی رفتار دے رہی ہے اور پاکستان کے صنعتی شعبے کو عالمی معیار پر استوار کر رہی ہے۔