آئی ٹی سی این ایشیا 2026: ڈیجیٹل کنیکٹیویٹی اور عالمی شراکت داری میں نئی پیش رفت

پاکستان میں آئی ٹی سی این ایشیا 2026 ایونٹ ڈیجیٹل سرمایہ کاری اور عالمی تعاون کے فروغ کا ایک اہم پلیٹ فارم بن گیا ہے۔ 

ایس آئی ایف سی کی اسٹریٹجک معاونت سے یہ پروگرام پاکستان کے تیزی سے ترقی کرتے ڈیجیٹل ایکو سسٹم، عالمی شراکت داری اور سرمایہ کاری کے نئے مواقع اجاگر کر رہا ہے۔

ایونٹ کے دوران گلگت بلتستان سافٹ ویئر ہاؤس ایسوسی ایشن اور پریمیئر کیبلز کے درمیان کنیکٹیویٹی بہتر بنانے کا معاہدہ طے پایا، جس کا مقصد خطے میں ڈیجیٹل اور مواصلاتی انفراسٹرکچر کو مضبوط بنانا اور رسائی میں اضافہ کرنا ہے۔

 اس اقدام سے طویل المدتی سماجی اور معاشی ترقی کو بھی فروغ ملے گا۔

عالمی سی آئی ایس او سمٹ میں 50 سے زائد ممالک کے 500 سے زائد سینئر سائبر سیکیورٹی اور ٹیکنالوجی رہنماؤں نے شرکت کی، جو پاکستان کے سائبر سیکیورٹی منظرنامے کو عالمی سطح پر اجاگر کر رہا ہے۔

 سمٹ کی قیادت عالمی سی آئی ایس او فورم کے صدر ڈاکٹر اردال اوزکایا نے کی۔

ایونٹ کے دوسرے دن، ایس آئی ایف سی کی سہولت کاری کے تحت نئی شراکت داری اور کنیکٹیویٹی کے اقدامات کامیابی سے مکمل ہوئے، جس سے آئی ٹی سی این ایشیا 2026 نے سرمایہ کاری اور ٹیکنالوجی تعاون کے لیے ایک مؤثر پلیٹ فارم کا کردار ادا کیا۔