کابل کے شہر نو میں دھماکا، متعدد ہلاکتیں اور زخمی

news-banner

دنیا - 19 جنوری 2026

افغانستان کے دارالحکومت کابل کے علاقے شہر نو میں ایک دھماکا ہوا ہے، جس کے نتیجے میں متعدد افراد ہلاک اور زخمی ہوئے ہیں۔

 

 طالبان کی وزارتِ داخلہ کے ترجمان عبدالمتین قانی نے بتایا کہ ابتدائی اطلاعات کے مطابق جانی نقصان ہوا ہے، تاہم ہلاکتوں اور زخمیوں کی حتمی تعداد بعد میں جاری کی جائے گی۔

 

ترجمان نے کہا کہ واقعے کی تحقیقات جاری ہیں اور مزید تفصیلات جلد منظر عام پر آئیں گی۔

 غیر ملکی خبررساں ایجنسی کے مطابق شہر نو زیادہ تر غیر ملکی باشندوں کے لیے جانا جاتا ہے اور کابل کے محفوظ ترین علاقوں میں شمار ہوتا ہے۔

 

 افغان میڈیا کے مطابق طالبان حکومت نے دھماکے کی نوعیت اور مزید تفصیلات ابھی تک جاری نہیں کیں۔