پاک فضائیہ ایف-16 طیاروں کے ساتھ بین الاقوامی مشق میں حصہ لے رہی ہے

پاک فضائیہ کے جدید ایف-16 بلاک 52 جنگی طیارے اور فضائی و زمینی عملہ بین الاقوامی مشق میں حصہ لینے کے لیے پہنچ گیا ہے۔

 آئی ایس پی آر کے مطابق یہ مشق پاکستان سمیت دس ممالک کی فضائی افواج کی مشترکہ تربیت ہے، جس میں جدید الیکٹرانک وارفیئر آپریشنز پر خاص توجہ دی جائے گی۔

پاک فضائیہ کی اس مشق میں شرکت علاقائی اور عالمی عسکری تعاون کا عملی مظاہرہ ہے اور جدید جنگی ماحول میں پیشہ ورانہ مہارت کی عکاسی کرتی ہے۔

 اپنی ایف-16 طیاروں کی صلاحیتوں کا بین الاقوامی سطح پر موثر مظاہرہ کرتے ہوئے پاک فضائیہ عالمی فضائی افواج کے ساتھ مشترکہ جنگی تربیت میں اہم کردار ادا کرے گی۔

یہ کثیر ملکی مشق علاقائی سلامتی اور دفاعی تعاون کو فروغ دینے کا ایک اہم پلیٹ فارم ہے، جہاں پاک فضائیہ کی شرکت بین الاقوامی تعاون اور پیشہ ورانہ مہارت کا ثبوت ہے۔