امریکی فوج نے وینزویلا سے منسلک ساتواں تیل بردار جہاز قبضے میں لے لیا

news-banner

دنیا - 21 جنوری 2026

امریکی فوج نے کیریبین سمندر میں وینزویلا سے منسلک ایک اور تیل بردار جہاز کو تحویل میں لے لیا ہے، جو گزشتہ ایک ماہ کے دوران قبضے میں لیا جانے والا ساتواں جہاز ہے۔

 

امریکی میڈیا رپورٹس کے مطابق یہ کارروائی صدر ڈونلڈ ٹرمپ کی جانب سے وینزویلا کے تیل پر کنٹرول حاصل کرنے کی کوششوں کا حصہ ہے۔

 

امریکی سدرن کمانڈ کا کہنا ہے کہ "موٹر ویسل ساگیٹا" نامی جہاز کو بغیر کسی مزاحمت کے روک کر تحویل میں لیا گیا، تاہم یہ واضح نہیں کیا گیا کہ آیا اس کارروائی میں امریکی کوسٹ گارڈ نے جہاز کا کنٹرول سنبھالا یا نہیں۔

 

حکام کے مطابق ان اقدامات کا مقصد ان بحری جہازوں کو روکنا ہے جو امریکی پابندیوں کے باوجود وینزویلا سے تیل کی ترسیل میں ملوث ہیں۔