کینیڈین وزیراعظم نے تمام امریکی ٹیرف مسترد کر دیے

news-banner

دنیا - 21 جنوری 2026

ڈیووس: کینیڈین وزیراعظم نے کہا ہے کہ کینیڈا کسی بھی قسم کے امریکی ٹیرف کو قبول نہیں کرتا اور آرکٹک خطے میں سلامتی اور خوشحالی کے لیے امریکا کے ساتھ تعاون جاری رکھنا چاہتا ہے۔

 

ورلڈ اکنامک فورم میں کینیڈین وزیراعظم مارک کارنے نے گرین لینڈ سے متعلق امریکی موقف اور ممکنہ ٹیرف پر سخت مؤقف اختیار کیا۔

 

انہوں نے زور دیا کہ دباؤ اور ٹیرف کسی بھی مسئلے کا حل نہیں ہیں، بلکہ سنجیدہ اور بامقصد مذاکرات ہی آگے بڑھنے کا واحد راستہ ہیں۔

 

مارک کارنے نے مزید کہا کہ آج کی دنیا میں طاقتور ممالک اپنی مرضی نافذ کرنے کی کوشش کر رہے ہیں، جس سے قواعد پر مبنی عالمی نظام خطرے میں ہے اور بڑی طاقتوں کے درمیان مقابلہ شدت اختیار کر رہا ہے۔