پی ایس ایل 11: لوکل کھلاڑیوں کی ممکنہ نئی کیٹیگریز کی فہرست سامنے

لاہور: پاکستان سپر لیگ (پی ایس ایل) 11 کے پلیئرز آکشن سے قبل لوکل کھلاڑیوں کی ممکنہ نئی کیٹیگریز کی فہرست جاری ہو گئی ہے۔

ذرائع کے مطابق اسلام آباد یونائیٹڈ کے شاداب خان، عماد وسیم اور نسیم شاہ پلاٹینم میں برقرار ہیں۔

 صاحبزادہ فرحان گولڈ، جبکہ سلمان علی آغا اور محمد نواز ڈائمنڈ سے پلاٹینم میں شامل ہو گئے ہیں۔

وکٹ کیپر بیٹر اعظم خان ڈائمنڈ سے گولڈ میں آ گئے ہیں۔ کراچی کنگز کے حسن علی ڈائمنڈ سے پلاٹینم میں منتقل ہو گئے ہیں، جبکہ عباس آفریدی پلاٹینم سے ڈائمنڈ میں گئے ہیں۔

خوشدل شاہ اور عامر جمال ڈائمنڈ سے گولڈ میں گئے، عرفات منہاس گولڈ سے سلور میں منتقل ہو گئے، جبکہ شان مسعود ڈائمنڈ میں برقرار ہیں۔ لاہور قلندرز کے شاہین آفریدی، فخر زمان اور حارث رؤف پلاٹینم میں برقرار ہیں۔

سلمان مرزا گولڈ سے ڈائمنڈ میں اور محمد نعیم ایمرجنگ سے سلور میں شامل ہو گئے ہیں۔

پشاور زلمی کے بابر اعظم اور صائم ایوب پلاٹینم میں برقرار ہیں، جبکہ محمد حارث اور محمد علی ڈائمنڈ سے گولڈ میں گئے۔ ملتان سلطانز کے محمد رضوان پلاٹینم میں برقرار ہیں، اسامہ میر اور افتخار احمد پلاٹینم سے ڈائمنڈ میں منتقل ہوئے ہیں۔

محمد حسنین ڈائمنڈ سے گولڈ میں گئے، عاکف جاوید سلور سے گولڈ میں آئے ہیں۔

کوئٹہ گلیڈی ایٹرز کے فہیم اشرف اور محمد عامر پلاٹینم میں برقرار ہیں، ابرار احمد ڈائمنڈ سے پلاٹینم میں آ گئے، وسیم جونیئر گولڈ سے ڈائمنڈ، عثمان طارق سلور سے ڈائمنڈ، خواجہ نافع سلور اور حسن نواز ایمرجنگ سے گولڈ میں شامل ہو گئے ہیں۔