پاکستان نے دوسرے ٹی 20 میں آسٹریلیا کو 90 رنز سے ہرا کر سیریز میں2 -0 کی برتری حاصل کر لی

پاکستان نے لاہور کے قذافی اسٹیڈیم میں تین میچوں کی ٹی 20 سیریز کے دوسرے میچ میں آسٹریلیا کو 90 رنز سے شکست دے کر سیریز میں 2-0 کی فیصلہ کن برتری حاصل کر لی۔

کپتان سلمان علی آغا نے ٹاس جیت کر پہلے بیٹنگ کا فیصلہ کیا۔ 

پاکستان نے مقررہ 20 اوورز میں 5 وکٹوں کے نقصان پر 198 رنز بنائے، جس میں سلمان علی آغا نے 76 رنز بنا کر نمایاں کارکردگی دکھائی۔ 

عثمان خان نے 53 رنز بنائے، جبکہ شاداب خان اور محمد نواز بالترتیب 28 اور 9 رنز پر ناقابل شکست رہے۔

ہدف کے تعاقب میں آسٹریلیا کی ٹیم پاکستان کے بولرز کا مقابلہ نہ کر سکی اور 15.4 اوورز میں 108 رنز پر آؤٹ ہوگئی۔ 

کیمرون گرین 35 اور میتھو شارٹ 27 رنز کے ساتھ نمایاں رہے۔ 

پاکستان کی جانب سے ابرار احمد اور شاداب خان نے 3،3 وکٹیں حاصل کیں، جبکہ عثمان طارق، صائم ایوب اور محمد نواز نے ایک ایک وکٹ حاصل کی۔

یہ جیت پاکستان کی آخری 7 سال بعد آسٹریلیا کے خلاف ٹی 20 سیریز میں پہلی فتح تھی۔ 

دوسرے ٹی 20 میچ کے لیے پاکستان نے تین تبدیلیاں کیں: عثمان طارق، فہیم اشرف اور نسیم شاہ کو شامل کیا گیا جبکہ شاہین شاہ آفریدی، سلمان مرزا اور فخر زمان کو آرام دیا گیا۔