’دھرندھر 2‘ میں سلمان خان کی انٹری؟ وائرل تصاویر اور مداحوں کا جوش

بالی ووڈ سپر اسٹار سلمان خان کے ’دھرندھر 2‘ میں ’’بڑے صاحب‘‘ کے کردار میں دکھائی دینے کی افواہوں نے سوشل میڈیا پر دھوم مچا دی ہے۔ 

حالیہ دنوں وائرل ہونے والی تصاویر میں دعویٰ کیا گیا کہ سلمان خان سیکوئل میں خاص کردار ادا کریں گے، جس پر مداحوں میں جوش و خروش کی لہر دوڑ گئی۔

کچھ صارفین نے قیاس کیا کہ ’’بڑے صاحب‘‘ ممکنہ طور پر کسی طاقتور انڈر ورلڈ ڈان کے کردار کی عکاسی کر رہا ہے، جو داؤد ابراہیم سے متاثر ہو سکتا ہے۔

تاہم تازہ رپورٹس کے مطابق یہ تمام وائرل تصاویر مصنوعی ذہانت (AI) سے تیار کی گئی ہیں اور حقیقت سے ان کا کوئی تعلق نہیں۔ 

جیو اسٹوڈیوز، بی 62 اسٹوڈیوز اور فلم کے ہدایت کار آدتیہ دھر نے سلمان خان کی شمولیت کی تصدیق نہیں کی۔

اس کے باوجود مداح وائرل اسنیپ شاٹس کے کمنٹس میں دلچسپی لے رہے ہیں، کچھ نے لکھا، ’’اب مزہ آئے گا،‘‘ اور ’’وہ اس کردار پر راج کریں گے۔‘‘

’دھرندھر: دی ریونج‘ 19 مارچ 2027 کو سینما گھروں میں ریلیز ہوگی اور ہندی کے ساتھ تیلگو، تمل، کنڑ اور ملیالم زبانوں میں بھی پیش کی جائے گی۔