اسلام آباد حملے کا ماسٹر مائنڈ کالعدم داعش سے تعلق رکھتا ہے، وزیر داخلہ محسن نقوی

وفاقی وزیر داخلہ محسن نقوی نے اسلام آباد میں گزشتہ روز ہونے والے افسوسناک واقعے کے بارے میں پریس کانفرنس میں بتایا کہ حملے کے ماسٹر مائنڈ کا تعلق کالعدم تنظیم داعش سے ہے اور وہ اب ہماری حراست میں ہے۔

وزیر داخلہ نے کہا کہ سی ٹی ڈی اور دیگر متعلقہ ایجنسیوں نے واقعے سے منسلک تمام افراد کو گرفتار کر لیا ہے۔ 

حملے کے سہولت کاروں اور ماسٹر مائنڈ کی گرفتاری کے بعد فوری چھاپے پشاور اور نوشہرہ میں بھی مارے گئے۔

محسن نقوی نے مزید کہا کہ ہمارے پاس واضح ثبوت موجود ہیں کہ کس طرح حملہ آور کو تربیت دی گئی اور واقعے کے لیے تیار کیا گیا۔ 

وزیر داخلہ نے شہداء کے لیے دعا کی اور ہر شہری سے اظہار ہمدردی کیا۔