Pakistan
وزیراعظم شہباز شریف کا طلبا کو بااختیار بنانے کے لیے جدید تعلیم پر زور
وزیراعظم شہباز شریف نے کہا ہے کہ طلبا پاکستان کا حقیقی اثاثہ ہیں اور نوجوانوں کو جدید تعلیم فراہم کرنا ہم سب کی ذمہ داری ہے۔
اسلام آباد میں اسکولوں اور مدارس کے طلبا میں کروم بکس تقسیم کرنے کی تقریب سے خطاب کرتے ہوئے وزیراعظم نے کہا کہ ذہانت اور محنت کو امارت اور غربت کی بنیاد پر محدود نہیں ہونا چاہیے۔
انہوں نے بتایا کہ ملک بھر میں 27 دانش اسکول زیر تعمیر ہیں، جہاں معیاری سہولیات مفت فراہم کی جائیں گی۔
وزیراعظم کے مطابق آئندہ دو سال میں ملک بھر میں پانچ لاکھ کروم بکس تقسیم کی جائیں گی۔
انہوں نے مسلم لیگ (ن) کے سابقہ دور میں آزاد کشمیر سمیت ملک بھر میں لیپ ٹاپ تقسیم کرنے کے اقدام کا بھی ذکر کیا۔
