ایپسٹین فائلز میں نام آنے کے بعد ناروے کے سابق وزیراعظم کی مبینہ خودکشی کی کوشش

اوسلو: میڈیا رپورٹس کے مطابق ناروے کے سابق وزیراعظم اور سابق نوبیل امن کمیٹی کے چیئرمین تھوربیورن جیگ لینڈ نے مبینہ طور پر خودکشی کی کوشش کی اور انہیں اسپتال منتقل کر دیا گیا۔

ذرائع کے مطابق 75 سالہ سیاستدان کی حالت تشویشناک بتائی جا رہی ہے، تاہم ناروے کے حکام نے ابھی تک واقعے یا الزامات کی مکمل تفصیلات پر باضابطہ بیان جاری نہیں کیا۔

میڈیا رپورٹس میں کہا گیا ہے کہ ان کا نام جیفری ایپسٹین سے متعلق دستاویزات میں سامنے آیا، جس کے بعد ناروے کی پولیس نے اس ماہ ان کے رہائشی مقامات پر چھاپے مارے۔

دستاویزات کے مطابق جیگ لینڈ کے ایپسٹین کے ساتھ کئی برسوں سے تعلقات تھے اور انہیں غیر ملکی دوروں اور قیام کی پیشکش کی گئی تھی۔

 تھوربیورن جیگ لینڈ 2009 سے 2015 تک نوبیل امن کمیٹی کے چیئرمین رہے اور وہ کونسل آف یورپ کے سیکرٹری جنرل کے عہدے پر بھی فائز رہ چکے ہیں۔

ناروے کے حکام نے ابھی تک الزامات یا واقعے پر کوئی باضابطہ بیان جاری نہیں کیا۔