وزیراعظم محمد شہباز شریف نے ملکی معیشت کو جدید خطوط پر استوار کرنے کے لیے ڈیجیٹل اور کیش لیس معیشت کی جانب پیش قدمی تیز کرنے کی ہدایت کرتے ہوئے کہا ہے کہ معاشی شفافیت کے لیے ڈیجیٹل ٹرانزیکشن سسٹم ناگزیر ہو چکا ہے۔ انہوں نے کہا کہ شہریوں اور کاروباری اداروں کے درمیان مالی لین دین کو آسان بنانے اور ڈیجیٹل سسٹم کے استعمال سے متعلق آگاہی بڑھانا وقت کی اہم ضرورت ہے۔
یہ بات جمعرات کو وزیراعظم کی زیر صدارت منعقدہ کیش لیس و ڈیجیٹل معیشت سے متعلق ہفتہ وار اجلاس میں سامنے آئی۔ وزیراعظم نے متعلقہ اداروں کو ہدایت دی کہ تمام اہداف کو دوگنا کیا جائے اور کیش لیس اکانومی کے لیے قائم کمیٹیاں تمام متعلقہ شراکت داروں کے ساتھ مل کر قابل عمل تجاویز جلد از جلد پیش کریں۔
اجلاس کو بریفنگ دیتے ہوئے بتایا گیا کہ اسٹیٹ بینک تاجروں کے لیے ڈیجیٹل ادائیگیوں کا نظام مزید سہل اور مؤثر بنانے کے لیے حکمت عملی تیار کر رہا ہے، جبکہ چھوٹے کاروباروں کی شمولیت کے لیے خصوصی پیکجز متعارف کرائے جائیں گے۔
مزید بتا جانیے
- ڈیجیٹل ادائیگیوں کے لیے موبائل ایپ استعمال کرنے والوں کی تعداد کو 95 ملین سے بڑھا کر 120 ملین تک لے جانے کا ہدف مقرر کیا گیا ہے۔
-
- کیو آر کوڈ استعمال کرنے والے تاجروں کی تعداد کو 0.9 ملین سے بڑھا کر 2 ملین تک پہنچانے کا منصوبہ ہے۔
- مجموعی ڈیجیٹل ادائیگیوں کا حجم 7.5 ارب روپے سے بڑھا کر 12 ارب روپے تک کیا جائے گا۔
وزیراعظم نے زور دیا کہ پاکستان کو جدید مالیاتی نظام کی جانب تیزی سے گامزن ہونا ہوگا تاکہ شفاف، مؤثر اور عوام دوست معیشت کی بنیاد رکھی جا سکے۔
دیکھیں
