بنگلادیش سیریز میں کسی کھلاڑی کو ڈراپ نہیں کیا گیا، نوجوانوں کو موقع دے رہے ہیں: شاہین آفریدی

پاکستان کرکٹ ٹیم کے کپتان شاہین آفریدی نے واضح کیا ہے کہ بنگلادیش کے خلاف سیریز کے لیے کسی کھلاڑی کو ڈراپ نہیں کیا گیا بلکہ ٹیم میں نوجوان کھلاڑیوں کو موقع دیا جا رہا ہے تاکہ مستقبل کی مضبوط ٹیم تیار کی جا سکے۔

ڈھاکا میں پریس کانفرنس کے دوران شاہین آفریدی کا کہنا تھا کہ ٹیم مینجمنٹ کی توجہ آئندہ ورلڈ کپ کی تیاری پر ہے، اسی لیے نئے ٹیلنٹ کو آزمایا جا رہا ہے۔

انہوں نے بتایا کہ اس سیریز میں تین کھلاڑی ڈیبیو کریں گے، معاذ صداقت اوپننگ کریں گے جبکہ شامل حسین ون ڈاؤن پوزیشن پر بیٹنگ کریں گے۔

کپتان کے مطابق پلیئنگ الیون کا فیصلہ پچ اور ٹیم کی ضرورت کو مدنظر رکھتے ہوئے کیا جائے گا۔ 

ان کا مزید کہنا تھا کہ ہوم کنڈیشنز میں ہر ٹیم کو برتری حاصل ہوتی ہے، اس لیے مقابلہ سخت ہوگا۔