طلاق کے باوجود فریال گوہر اور جمال شاہ کو ایک ساتھ مدعو کرنے کی وجہ بتا دی گئی: ندا یاسر

پاکستانی شوبز کی معروف میزبان و اداکارہ ندا یاسر نے وضاحت کی کہ سینئر اداکار جمال شاہ اور فریال گوہر کو ایک ساتھ مدعو کرنے کا مقصد یہ دکھانا تھا کہ ختم شدہ رشتے میں بھی مہذب انداز میں بات چیت ممکن ہے۔

طلاق کے باوجود دونوں نے نجی ٹی وی کے پروگرام میں شرکت کی، جس دوران کچھ لمحے ان کے لیے قدرے عجیب ضرور تھے، لیکن انہوں نے ہوشیاری سے موقع کو سنبھالا۔

پروگرام میں فریال اور جمال نے 30 سال بعد طلاق کی اصل وجہ بتاتے ہوئے اپنے گذشتہ رومانوی لمحات کا بھی ذکر کیا۔ 

اس پر سوشل میڈیا صارفین نے ندا یاسر کی جانب تنقید کی، جس کے جواب میں ندا یاسر نے کہا کہ ان کی نیت بس یہی تھی کہ لوگوں کو دکھایا جائے کہ الزام تراشی یا نفرت کے بغیر بھی رشتے کو سمجھا جا سکتا ہے۔

ندا یاسر نے مزید کہا کہ پروگرام میں دونوں کو مدعو کرنے کی یہی واحد وجہ تھی، تاہم لوگوں نے اسے غلط انداز میں لیا۔