واٹس ایپ کا کم عمر بچوں کے لیے نیا فیچر متعارف کرانے کی تیاری

انسٹنٹ پیغام رسانی کی ایپلی کیشن واٹس ایپ نے 13 برس سے کم عمر بچوں کے لیے ایک نیا فیچر تیار کیا ہے جس کے تحت وہ اپنے والدین کی اجازت سے پلیٹ فارم استعمال کر سکیں گے۔

واٹس ایپ کے مطابق اس تبدیلی کا مقصد کم عمر صارفین کو پلیٹ فارم کے ایک اہم حصے کے طور پر تسلیم کرنا ہے۔ تاہم یہ فیچر ایسے وقت میں سامنے آ رہا ہے جب نوجوانوں میں موبائل فون اور سماجی رابطوں کی ایپس کے استعمال سے متعلق خدشات میں اضافہ ہو رہا ہے۔

کمپنی کا کہنا ہے کہ والدین کے زیر نگرانی اکاؤنٹس والدین کی آراء اور تجاویز کی بنیاد پر تیار کیے گئے ہیں، کیونکہ کئی والدین نے کمپنی سے درخواست کی تھی کہ کم عمر بچوں کے لیے محفوظ طریقے سے ایپ استعمال کرنے کا نظام بنایا جائے۔

نئے ضوابط کے مطابق والدین یا سرپرستوں کو بچوں کے اکاؤنٹس بنانے اور انہیں سنبھالنے کی ذمہ داری ہوگی جبکہ بچوں کے اکاؤنٹس والدین کے اکاؤنٹس سے منسلک ہوں گے۔