27 سالہ ترکش فیشن انفلوئنسر عائشہ گل کی پراسرار موت

انقرہ: ترکیہ کی معروف فیشن انفلوئنسر عائشہ گل ایراسلان، 27 سالہ، اچانک اور پراسرار حالات میں وفات پا گئی، جس سے سوشل میڈیا اور مداحوں میں شدید صدمے کی لہر دوڑ گئی۔

عائشہ کو استنبول کے علاقے کاغیتھانے میں واقع ان کے گھر پر بے ہوش حالت میں پایا گیا۔

 اہل خانہ کے مطابق جب وہ عائشہ سے رابطہ نہ کر سکے تو تشویش پیدا ہوئی اور حکام کو اطلاع دی گئی۔

 ریسکیو ٹیمیں موقع پر پہنچی اور ابتدائی معائنے کے بعد موت کی تصدیق کی۔

بعد ازاں پولیس اور پراسیکیوٹر نے جائے وقوعہ کا معائنہ کیا اور لاش کو مزید فرانزک جانچ کے لیے منتقل کر دیا تاکہ موت کی اصل وجہ معلوم کی جا سکے۔ 

ابتدائی معلومات کے مطابق عائشہ حال ہی میں بیرونِ ملک سے واپس آئی تھیں۔

تحقیقات کے دوران عمارت کی سکیورٹی فوٹیج میں ایک شخص، سونائے کُرتولوش کو ان کے گھر میں داخل ہوتے اور کچھ دیر بعد باہر نکلتے دیکھا گیا۔

 پولیس نے متعلقہ شخص سے پوچھ گچھ کی، اور بیان ریکارڈ کرنے کے بعد اسے چھوڑ دیا گیا؛ اس کے وکلا کے مطابق وہ موقع پر موجود نہیں تھا۔

حکام نے تاحال کسی قسم کی بدفعلی کی تصدیق نہیں کی ہے، تاہم کیس مشکوک قرار دیتے ہوئے تحقیقات جاری ہیں۔ موت کی اصل وجہ فرانزک رپورٹ کے بعد ہی واضح ہو سکے گی۔