Sports
پاک، بنگلادیش ٹیسٹ سیریز ٹرافی کی رونمائی
پاکستان اور بنگلادیش کرکٹ ٹیم کے درمیان ٹیسٹ سیریز کی ٹرافی کی رونمائی کر دی گئی، جس کی تقریب دونوں ٹیموں کے کپتانوں نے مشترکہ طور پر انجام دی اور اس موقع پر تصاویر بھی بنوائی گئیں۔
سیریز کا پہلا ٹیسٹ کل سے میرپور میں شروع ہوگا، جبکہ دوسرا ٹیسٹ 16 مئی سے سلہٹ میں کھیلا جائے گا۔
دوسری جانب بنگلادیش کرکٹ بورڈ نے شائقین کے لیے اہم اعلان کرتے ہوئے ٹیسٹ سیریز کے دوران طلبا کو مفت داخلے کی سہولت دے دی ہے۔ طلبا اپنے ادارے کے کارڈ اور یونیفارم کے ساتھ میچز بغیر ٹکٹ دیکھ سکیں گے۔
اسی طرح کرکٹ اکیڈمیز میں زیر تربیت 15 سال تک کے بچوں کو بھی میچ دیکھنے کی مفت اجازت دی گئی ہے، جس کا مقصد نوجوانوں میں کھیل کے فروغ کو بڑھانا بتایا جا رہا ہے۔
