Pakistan
لائیو سٹریمنگ کے ذریعے نازیبا ویڈیوز شیئر کرنے والاگینگ گرفتار
راولپنڈی پولیس نے کارروائی کرتے ہوئے لائیو سٹریمنگ کے ذریعے مبینہ طور پر نازیبا ویڈیوز انٹرنیٹ پر شیئر کرنے والے ایک گینگ کو گرفتار کر لیا ہے۔
پولیس کے مطابق گرفتار گینگ میں 11 ملکی و غیر ملکی افراد شامل ہیں، جن میں ایک غیر ملکی خاتون سمیت 7 خواتین بھی شامل ہیں۔
حکام نے بتایا کہ کارروائی کے دوران ملزمان کے قبضے سے اسلحہ، گولیاں، موبائل فون، لیپ ٹاپ اور لائیو اسٹریمنگ کے لیے استعمال ہونے والا دیگر سامان بھی برآمد کیا گیا۔
ابتدائی تحقیقات کے مطابق گرفتار افراد مبینہ طور پر ویڈیوز تیار کر کے مختلف ویب سائٹس پر اپ لوڈ کرتے تھے۔
پولیس نے مقدمہ درج کر لیا ہے اور تحقیقات کو مزید وسعت دیتے ہوئے دیگر مبینہ ساتھیوں اور سہولت کاروں کی تلاش جاری ہے۔ اس سلسلے میں متعلقہ اداروں سے بھی رابطہ کیا گیا ہے۔
