ایلون مسک دنیا کے پہلے کھرب پتی بن گئے

ٹیسلا کے بانی ایلون مسک تاریخ کے پہلے ایسے شخص بن گئے ہیں جن کی مجموعی دولت ایک کھرب ڈالر سے تجاوز کر گئی ہے۔

میڈیا رپورٹس کے مطابق یہ سنگِ میل بنیادی طور پر ان کی خلائی کمپنی اسپیس ایکس کے ریکارڈ ساز آئی پی او کے بعد حاصل ہوا۔

رپورٹس کے مطابق اسپیس ایکس نے تقریباً 75 ارب ڈالر کا تاریخی آئی پی او کیا جس کے بعد کمپنی کی مالیت 1.7 ٹریلین ڈالر سے زیادہ ہو گئی۔

 اس پیش رفت سے ایلون مسک کے اسپیس ایکس حصص کی قدر میں غیر معمولی اضافہ ہوا اور ان کی مجموعی دولت 1.1 ٹریلین ڈالر سے تجاوز کر گئی۔

واضح رہے کہ ایلون مسک کی دولت صرف اسپیس ایکس تک محدود نہیں بلکہ ان کے بڑے اثاثوں میں نیورالنک، ایکس اے آئی، ٹیسلا اور دی بورنگ کمپنی کے حصص بھی شامل ہیں۔ 

تاہم حالیہ اضافے میں سب سے بڑا کردار سپیس ایکس کی بڑھتی ہوئی قدر نے ادا کیا ہے۔