تیل کی قیمتیں چار ماہ کی کم ترین سطح پر آگئیں

امریکہ اور ایران کے درمیان ممکنہ امن معاہدے کی پیش رفت کے باعث عالمی منڈی میں خام تیل کی قیمتیں نمایاں کمی کے بعد مارچ کے آغاز کے بعد اپنی کم ترین سطح پر پہنچ گئی ہیں، جو تقریباً چار ماہ کی کم ترین سطح قرار دی جا رہی ہے۔

برینٹ خام تیل کی قیمت 87.33 ڈالر فی بیرل تک گر گئی ہے، جو گزشتہ روز کے مقابلے میں 3.05 ڈالر یا 3.4 فیصد کمی ظاہر کرتی ہے۔

اسی طرح امریکی ویسٹ ٹیکساس انٹرمیڈیٹ (WTI) خام تیل بھی کم ہو کر 84.88 ڈالر فی بیرل پر آگیا ہے، جو 2.83 ڈالر یا 3.2 فیصد کمی کے برابر ہے۔ یہ اپریل کے بعد WTI خام تیل کی کم ترین سطح ہے۔

سرمایہ کاری فرم “اگین کیپیٹل” کے شراکت دار جان کیلڈف کے مطابق مارکیٹ میں یہ کمی زیادہ تر ان خبروں کے باعث دیکھنے میں آئی ہے جن میں ایرانی حکام کی جانب سے یہ اشارہ دیا گیا ہے کہ امریکہ کے ساتھ مفاہمتی یادداشت کے قریب پہنچا جا رہا ہے، جس سے عالمی توانائی منڈی میں غیر یقینی صورتحال کم ہونے کی توقع ہے۔