ناک آؤٹ مرحلے میں رسائی نہ ملنے پر اسکاٹ لینڈ کے ہیڈ کوچ مستعفی

فٹبال ورلڈ کپ میں ناک آؤٹ مرحلے تک رسائی حاصل نہ کر پانے کے بعد اسکاٹ لینڈ کے ہیڈ کوچ اسٹیو کلارک اپنے عہدے سے مستعفی ہو گئے، جس کے ساتھ ہی ان کا سات برس پر محیط کوچنگ کا دور اختتام پذیر ہوگیا۔

اسکاٹ لینڈ نے گروپ سی میں اپنے پہلے میچ میں ہیٹی کو 1-0 سے شکست دے کر ایونٹ کا مثبت آغاز کیا، تاہم اگلے دونوں مقابلوں میں اسے مراکش کے ہاتھوں 1-0 اور برازیل کے خلاف 3-0 سے شکست کا سامنا کرنا پڑا۔

ناک آؤٹ مرحلے میں پہنچنے کی امید گروپ ایل کے کروشیا اور گھانا کے درمیان ہونے والے میچ سے وابستہ تھی، لیکن گھانا کی 2-1 سے شکست کے بعد اسکاٹ لینڈ کی ورلڈ کپ مہم اختتام کو پہنچ گئی۔

اسکاٹش فٹبال ایسوسی ایشن نے اسٹیو کلارک کے استعفے کی تصدیق کرتے ہوئے بتایا کہ انہوں نے ایسوسی ایشن، کھلاڑیوں اور مداحوں کا شکریہ ادا کیا، جبکہ نئے ہیڈ کوچ کے لیے نیک تمناؤں کا اظہار بھی کیا۔