قطری ثالثی وفد کشیدگی کم کرنے کے لیے ایران پہنچ گیا

رائٹرز سے گفتگو کرنے والے معاملے سے باخبر ایک ذریعے کے مطابق، قطر کے ثالثی مذاکرات کار کشیدگی کم کرنے اور وسیع تر مذاکرات کے لیے سازگار ماحول پیدا کرنے کی غرض سے ایرانی حکام سے ملاقات کے لیے ایران پہنچ گئے ہیں۔

ذرائع کے مطابق یہ مذاکرات امریکا کے ساتھ قریبی رابطے اور ہم آہنگی میں کیے جا رہے ہیں۔

ذرائع کا مزید کہنا ہے کہ ان مذاکرات کا مقصد ایران اور امریکا کے درمیان طے پانے والی مفاہمتی یادداشت (MoU) پر عمل درآمد کے طریقۂ کار پر بات چیت کرنا اور حالیہ کشیدگی کی بنیادی وجوہات، خصوصاً آبنائے ہرمز میں جہاز رانی سے متعلق تنازعات، کا حل تلاش کرنا ہے۔