ارجنٹینا کی فتح کے بعد گوہر خان کی پوسٹ نے نئی بحث چھیڑ دی

بھارتی اداکارہ گوہر خان نے فیفا ورلڈ کپ 2026 کے پری کوارٹر فائنل میں مصر کے خلاف ارجنٹینا کی سنسنی خیز 3-2 فتح کے بعد سوشل میڈیا پر ایک نئی بحث چھیڑ دی۔

ارجنٹینا نے دو گول کے خسارے سے شاندار واپسی کرتے ہوئے مصر کو 3-2 سے شکست دی اور کوارٹر فائنل میں جگہ بنا لی۔ میچ کے آخری لمحات میں کی گئی یہ واپسی ٹورنامنٹ کے یادگار مقابلوں میں شمار کی جا رہی ہے۔

میچ کے بعد گوہر خان نے انسٹاگرام پر ایک کانٹینٹ کری ایٹر کی شیئر کردہ ویڈیو دوبارہ پوسٹ کی اور ارجنٹینا کے کپتان لیونل میسی کے حوالے سے کیپشن لکھا، "کتنا لوزر ہے، میسی نہیں بلکہ 'میسی' (Messy)"۔ انہوں نے لفظ Messi اور Messy کے مشابہ تلفظ کو استعمال کرتے ہوئے طنزیہ انداز اپنایا۔

اس پوسٹ کے بعد سوشل میڈیا پر ملا جلا ردعمل سامنے آیا۔ کچھ صارفین نے اسے صرف لفظوں کا کھیل قرار دیا، جبکہ بہت سے فٹبال شائقین نے اسے لیونل میسی کے لیے غیر ضروری اور نامناسب تبصرہ قرار دیتے ہوئے تنقید کی۔ اس پوسٹ کے بعد ایک بار پھر میسی کے حامی اور ناقدین سوشل میڈیا پر آمنے سامنے آ گئے۔