میڈیا ٹاؤن میں گھر سے چوکیدار کی گولی لگی لاش برآمد

اسلام آباد کے تھانہ لوہی بھیر کی حدود میں واقع میڈیا ٹاؤن کے ایک گھر سے چوکیدار کی گولی لگی لاش برآمد ہوئی ہے۔

 پولیس ذرائع کے مطابق واقعے کے وقت گھر کے مالکان موجود نہیں تھے۔ چوکیدار سے متعدد بار رابطے کی کوشش ناکام ہونے پر مالکان نے پڑوسی سے گھر کا جائزہ لینے کو کہا، جہاں چوکیدار کی گولی لگی لاش ملی، جس کے بعد پولیس کو اطلاع دی گئی۔

 پولیس اور دیگر متعلقہ حکام موقع پر پہنچ کر شواہد اکٹھے کر رہے ہیں اور واقعے کی مختلف پہلوؤں سے تحقیقات جاری ہیں۔ 

ابتدائی معلومات کے مطابق چوکیدار کو گولی مار کر قتل کیا گیا، تاہم واقعے کی حتمی نوعیت کا تعین تفتیش مکمل ہونے کے بعد کیا جائے گا۔