Pakistan
شیخوپورہ میں بارش کے پانی میں ڈوب کر 3بچے جاں بحق
شیخوپورہ کے علاقے فیروزوالہ کی پٹھان کالونی میں بارش کے جمع پانی میں ڈوب کر 3 بچے جاں بحق ہوگئے۔
جاں بحق ہونے والے بچوں کی عمریں 10 سے 15 سال کے درمیان بتائی گئی ہیں۔
اطلاعات کے مطابق نالہ بھیٹر کا بند ٹوٹنے کے باعث سیلابی اور بارش کا پانی آبادی میں جمع ہوگیا تھا، جہاں یہ افسوسناک واقعہ پیش آیا۔
اہلِ علاقہ نے واقعے پر شدید غم و غصے کا اظہار کرتے ہوئے نکاسی آب کے ناقص انتظامات کو حادثے کی وجہ قرار دیا ہے۔
