قائداعظم نامی شہری کو نادرا بورڈ کے سامنے پیش ہونےکی ہدایت

پشاور ہائی کورٹ میں قائدِاعظم نامی شہری کی جانب سے شناختی کارڈ بلاک کیے جانے کے خلاف دائر درخواست پر سماعت ہوئی۔

 جسٹس وقار احمد اور جسٹس انعام اللّٰہ خان نے کیس کی سماعت کی۔ درخواست گزار کے وکیل نے مؤقف اختیار کیا کہ شہری ایک تاجر ہے اور اس کا شناختی کارڈ بلاک کر دیا گیا ہے۔

 سماعت کے دوران نادرا کے ڈائریکٹر لیگل نے عدالت کو بتایا کہ درخواست گزار کا شناختی کارڈ مشکوک قرار دیے جانے کے باعث بلاک کیا گیا۔ 

عدالت نے درخواست گزار کو ہدایت کی کہ وہ معاملے کے حل کے لیے نادرا بورڈ کے سامنے پیش ہو۔