آزاد کشمیر الیکشن کمیشن نے میرپور ڈویژن کے 13 کامیاب امیدواروں کا نوٹیفکیشن جاری کر دیا

آزاد جموں و کشمیر الیکشن کمیشن نے میرپور ڈویژن کے 13 انتخابی حلقوں سے کامیاب امیدواروں کا باضابطہ نوٹیفکیشن جاری کر دیا ہے۔ الیکشن کمیشن کی جانب سے جاری اعلامیے کے مطابق 27 جولائی 2026 کو ہونے والے عام انتخابات میں کامیاب قرار پانے والے امیدواروں کے نام سرکاری طور پر نوٹیفائی کر دیے گئے ہیں۔

جاری کیے گئے نوٹیفکیشن کے مطابق ایل اے-1 میرپور-1 سے اظہر صادق، ایل اے-2 میرپور-2 سے چوہدری قاسم مجید، ایل اے-3 میرپور-3 سے چوہدری یاسر سلطان، ایل اے-4 میرپور-4 سے رخسار احمد، ایل اے-5 بھمبر-1 سے وقار احمد نور، ایل اے-6 بھمبر-2 سے محمد رزاق چوہدری، ایل اے-7 بھمبر-3 سے طارق فاروق، ایل اے-8 کوٹلی-1 سے ظفر اقبال ملک، ایل اے-9 کوٹلی-2 سے عمیر نعیم، ایل اے-10 کوٹلی-3 سے محمد یاسین چوہدری، ایل اے-11 کوٹلی-4 سے محمد آصف، ایل اے-12 کوٹلی-5 سے محمد ریاست خان اور ایل اے-13 کوٹلی-6 سے ایاز احمد کامیاب قرار دیے گئے ہیں۔

الیکشن کمیشن کی جانب سے نوٹیفکیشن جاری ہونے کے بعد متعلقہ امیدوار باضابطہ طور پر آزاد جموں و کشمیر قانون ساز اسمبلی کے منتخب اراکین تصور کیے جائیں گے اور آئندہ پارلیمانی کارروائی میں حصہ لینے کے اہل ہوں گے۔