اسلام آباد ٹریفک پولیس کی جعلی ای چالان پیغامات سے ہوشیار رہنے کی ہدایت

اسلام آباد ٹریفک پولیس نے شہریوں کو جعلی ای چالان پیغامات سے محتاط رہنے کی ہدایت جاری کرتے ہوئے کہا ہے کہ جعلی ویب سائٹس، مشکوک لنکس اور غیر مصدقہ پیغامات پر ہرگز اعتماد نہ کیا جائے۔ پولیس کے مطابق شہری ایسے ایس ایم ایس یا واٹس ایپ پیغامات میں موجود کسی بھی لنک پر کلک کرنے سے گریز کریں کیونکہ یہ سائبر فراڈ کا ذریعہ بن سکتے ہیں۔

ٹریفک پولیس نے مزید کہا کہ اگر کسی شہری کو مشکوک یا جعلی ای چالان کا پیغام موصول ہو تو فوری طور پر اس کی اطلاع اسلام آباد ٹریفک پولیس یا ایف آئی اے سائبر کرائم ونگ کو دی جائے۔ پولیس نے واضح کیا کہ شہری اپنے ای چالان کی تصدیق اور ادائیگی صرف سرکاری ویب سائٹ کے ذریعے ہی کریں تاکہ آن لائن دھوکا دہی سے محفوظ رہ سکیں۔