ایران، عمان مذاکرات میں پیش رفت، تیل کی عالمی قیمتیں گر گئیں

 ایران اور عمان کے درمیان مذاکرات میں پیش رفت اور ایران و امریکہ کے درمیان جنگ کے خاتمے اور آبنائے ہرمز کو دوبارہ کھولنے سے متعلق ممکنہ معاہدے کی خبروں کے بعد عالمی منڈی میں خام تیل کی قیمتوں میں کمی ریکارڈ کی گئی۔ برینٹ خام تیل 37 سینٹ سستا ہو کر 79.08 ڈالر فی بیرل پر آ گیا، جبکہ امریکی ویسٹ ٹیکساس انٹرمیڈیٹ (WTI) خام تیل کے فیوچر معاہدوں کی قیمت 53 سینٹ کمی کے بعد 69.74 ڈالر فی بیرل تک پہنچ گئی۔

نومورا کمپنی کے ماہرِ معاشیات یوکی تاکاشیما کے مطابق ایران اور عمان کے درمیان مذاکرات میں پیش رفت کی اطلاعات سامنے آنے کے بعد متعدد تاجروں نے فروخت شروع کر دی، جس کے نتیجے میں تیل کی قیمتوں میں کمی دیکھی گئی۔

 انہوں نے کہا کہ موجودہ قیمتیں صرف اسی سطح پر واپس آئی ہیں جو 17 جون کو امریکہ اور ایران کے عبوری معاہدے کے بعد دیکھی گئی تھیں، جبکہ اب عالمی منڈیاں مذاکرات کے اگلے مرحلے پر گہری نظر رکھے ہوئے ہیں تاکہ معلوم ہو سکے کہ آیا دونوں فریق کسی حتمی معاہدے تک پہنچتے ہیں یا نہیں۔