پاکستان کرکٹ ٹیم ٹیسٹ سیریز کیلئے انگلینڈ پہنچ گئی

پاکستان کرکٹ ٹیم تین ٹیسٹ میچز پر مشتمل سیریز کیلئے انگلینڈ پہنچ گئی ہے۔ قومی اسکواڈ 8 اور 9 اگست کو آرام کرے گا جبکہ 10 اگست کو کاؤنٹی گراؤنڈ، بیکہنم میں پریکٹس کا آغاز کرے گا۔ پاکستان ٹیم مقامی وقت کے مطابق صبح 9 بج کر 30 منٹ پر پریکٹس شروع کرے گی۔

پاکستان اور سلیکٹ الیون کے درمیان چار روزہ پریکٹس میچ 12 سے 15 اگست تک کھیلا جائے گا، جس کے بعد دونوں ٹیموں کے درمیان تین ٹیسٹ میچز پر مشتمل سیریز کا آغاز 19 اگست سے ہوگا۔ قومی ٹیم ویسٹ انڈیز کے خلاف ٹیسٹ سیریز 1-1 سے برابر کرنے کے بعد براہِ راست انگلینڈ پہنچی ہے۔