ایران کو ایٹمی ہتھیاروں کی تیاری سے جوڑنے کیلئے جعلی بیان گھڑنے کا انکشاف

اسرائیلی صحافی رونن برگمین نے دعویٰ کیا ہے کہ ایران کو ایٹمی ہتھیار حاصل کرنے کی کوشش میں ملوث ظاہر کرنے کے لیے ایرانی حکام سے منسوب ایک جعلی بیان تیار کیا گیا۔

رونن برگمین کے مطابق پاسدارانِ انقلاب کے کمانڈر احمد وحیدی سے منسوب جعلی بیان میں دعویٰ کیا گیا کہ ایران ایٹمی ہتھیار بنا رہا ہے۔

انہوں نے بتایا کہ یہ جعلی بیان ابتدا میں بھارت میں ایک ہندو انتہاپسند کے اکاؤنٹ سے شیئر کیا گیا، جس کے بعد مبینہ طور پر موساد، ایک اسرائیلی ٹی وی چینل، اسرائیلی وزیراعظم نیتن یاہو اور اقوام متحدہ میں امریکی سفیر نے اسے دنیا بھر میں پھیلایا۔