باغ کے دو حلقوں کے 23 پولنگ سٹیشنز پردوبارہ پولنگ

آزاد کشمیر الیکشن کے تیسرے مرحلے میں ضلع باغ کے دو حلقوں کے 23 پولنگ سٹیشنز پر دوبارہ پولنگ شروع ہو گئی ہے۔

ری پولنگ آزاد کشمیر کے ضلع باغ کے حلقہ ایل اے 15 کے 9 اور ایل اے 16 کے 14 پولنگ سٹیشنز پر ہو رہی ہے۔

ایل اے 16 باغ 3 کے 14 پولنگ اسٹیشنز پر رجسٹرڈ ووٹرز کی تعداد 7,004 ہے، جبکہ ایل اے 15 باغ 2 کے 9 پولنگ سٹیشنز پر ووٹرز کی تعداد 5 ہزار ہے۔

الیکشن کمیشن کے مطابق ری پولنگ کے دوران سیکیورٹی کے سخت انتظامات کیے گئے ہیں۔ ووٹنگ کا عمل صبح 8 بجے سے شام 5 بجے تک جاری رہے گا۔

واضح رہے کہ دونوں حلقوں میں 10 اگست کو انتخابی عملہ نہ پہنچنے اور کشیدگی کے باعث پولنگ ملتوی کر دی گئی تھی۔