آسٹریلوی سرزمین پر پہلی ٹیسٹ کامیابی،بنگلہ دیش نے تاریخ رقم کر دی

بنگلہ دیش نے پہلے ٹیسٹ میچ میں آسٹریلیا کو آسٹریلوی سرزمین پر شکست دے کر تاریخ رقم کر دی۔

 یہ بنگلہ دیش کی ٹیم کی آسٹریلیا کی سرزمین پر پہلی ٹیسٹ کامیابی ہے۔

ڈارون میں کھیلے گئے میچ کے چوتھے روز آسٹریلیا نے اپنی دوسری اننگز 164 رنز 4 کھلاڑی آؤٹ پر دوبارہ شروع کی تو صرف 14 رنز کے اضافے پر ایلیکس کیری 178 کے مجموعے پر پویلین لوٹ گئے۔ 

193 پر آسٹریلیا کو ویبسٹر کی وکٹ کی صورت میں چھٹا نقصان اٹھانا پڑا۔ 207 کے مجموعے پر پیٹ کمنز بھی پویلین لوٹ گئے۔ 

آسٹریلیا کی آٹھویں وکٹ 250، نویں 278 اور آخری وکٹ 284 پر گری۔ 

کیمرون گرین نے سنچری اسکور کی۔ وہ 101 رنز بنا کر ٹاپ اسکورر رہے۔

بنگلہ دیش کی جانب سے مہدی حسن نے پانچ اور حسن محمود نے تین کھلاڑیوں کو آؤٹ کیا۔

آسٹریلیا نے بنگلہ دیش کی پہلی اننگز کی 128 رنز کی برتری ختم کرکے میزبان ٹیم کو جیتنے کے لیے 57 رنز کا ہدف دیا جو بنگال ٹائیگرز نے صرف ایک وکٹ کے نقصان پر حاصل کر لیا۔ 

مومن الحق 30 اور شادمان اسلام 25 رنز پر ناٹ آؤٹ رہے۔

میچ میں آسٹریلیا نے پہلی اننگز میں 198 اور دوسری اننگز میں 284 رنز بنائے جبکہ بنگلہ دیش نے پہلی اننگز میں 426 اور دوسری اننگز میں 1 وکٹ پر 57 رنز بنائے۔

حسن محمود کو میچ کا بہترین کھلاڑی قرار دیا گیا۔

وننگ کپتان نجم الحسین شانتو نے کہا کہ "مجھے اپنے کھلاڑیوں پر بہت فخر ہے۔ 

ہم نے بہت سخت محنت کی ہے۔ ہمارے فاسٹ بولرز کی ذہن سازی میں تبدیلی آئی ہے۔ 

اب ہم صرف اسپن پر انحصار نہیں کر رہے۔ پانچ سال قبل تک ہمارے فاسٹ بولرز ٹیسٹ میچز نہیں کھیلنا چاہتے تھے تاہم اب وہ اس فارمیٹ کو اہمیت دے رہے ہیں۔ 

ہم میکے میں دوسرے ٹیسٹ میچ میں بھی بہترین کارکردگی دکھانا چاہتے ہیں۔"

آسٹریلوی کپتان پیٹ کمنز نے کہا کہ "ہماری پوری تیاری تھی اس حوالے سے کوئی بہانہ موجود نہیں ہے۔

 بنگلہ دیش بہت اچھا کھیلا۔ 

انہوں نے ہمیں ہر شعبے میں مات دی۔ 

ہماری ٹیم کم بیک کرنے کی ماہر ہے۔

" انہوں نے جوش ہیزل ووڈ اور کیمرون گرین کی کارکردگی کی تعریف کی۔