کاروبار ایف بی آر نظام سے منسلک نہ کرنے پر 50 لاکھ تک جرمانہ

کاروباری افراد کی طرف سے اپنے کاروبار کو ایف بی آر نظام سے منسلک نہ کرنے پر سخت جرمانے اور سزائیں مقرر کر دی گئی ہیں، جن کے تحت 50 لاکھ روپے تک جرمانہ ہو سکتا ہے۔

فنانس ایکٹ کے تحت کاروبار کی نگرانی، ٹریکنگ، رپورٹنگ یا فروخت و پیداوار کے ریکارڈ کے لیے ایف بی آر نظام سے منسلک نہ کرنے پر سخت جرمانوں اور کاروباری احاطہ سیل کرنے کی سزا مقرر کر دی گئی ہے۔

فنانس ایکٹ 2026-27 کے تحت جو شخص اپنے کاروبار کو ایف بی آر یا اس کے کمپیوٹرائزڈ نظام کے ساتھ مقررہ مدت کے اندر مربوط نہیں کرے گا، اس پر 10 لاکھ روپے تک جرمانہ عائد ہوگا۔

پہلی سزا عائد ہونے کے ایک ماہ بعد بھی خلاف ورزی جاری رکھنے کی صورت میں 50 لاکھ روپے تک دوسرا جرمانہ عائد ہوگا۔