بھارت کے معروف ہریانوی گلوکار انکت بالیان فائرنگ سے قتل

بھارت کے معروف ہریانوی گلوکار اور یوٹیوبر انکت بالیان کو نامعلوم حملہ آوروں نے جم کے باہر فائرنگ کرکے قتل کر دیا۔

بھارتی میڈیا کے مطابق واقعہ اتر پردیش کے ضلع شاملی میں بدھ کی شام پیش آیا، جب انکت بالیان ورزش کے بعد جم سے باہر نکل رہے تھے۔ 2 موٹرسائیکلوں پر سوار مسلح افراد نے انکت بالیان پر متعدد گولیاں چلائیں اور واردات کے بعد فرار ہو گئے۔

جم کے مالک روی شرما نے بتایا کہ انکت بالیان روزانہ ورزش کے لیے جم آتے تھے۔ واقعے کے وقت تقریباً 15 سے 20 گولیاں چلائی گئیں، جس کے بعد گلوکار کو تشویشناک حالت میں اسپتال منتقل کیا گیا، تاہم وہ جانبر نہ ہو سکے۔