پمز آتشزدگی میں بچنے والی واحد بچی کی حالت تشویشناک

پمز ہسپتال کی بچوں کی نرسری میں لگنے والی آگ میں بچ جانے والی واحد بچی ایزل کی حالت تشویشناک ہوگئی ہے اور وہ انتہائی نگہداشت کے شعبے میں زیرِ علاج ہے۔بچی کی والدہ آصفہ بی بی نے بتایا کہ ایزل 12 اگست کو پیدا ہوئی تھی۔

آصفہ بی بی نے کہا کہ ایزل ہماری پہلی اولاد ہے، تاہم اس کی پیدائش قبل ازوقت ہوئی ہے۔ قبل ازوقت پیدائش کے باعث بچی کمزور ہے جبکہ وہ نرسری میں لگنے والے دھویں سے بھی شدید متاثر ہوئی ہے۔

انہوں نے کہا کہ بچی کی طبیعت ایک دن بہتر ہوتی ہے تو دوسرے دن بگڑ جاتی ہے۔والد وقاص نے بتایا کہ ایزل کو خون بھی لگوایا جا رہا ہے، تاہم اس کے باوجود اس کی حالت بگڑ رہی ہے۔