کون سا ضابطہ توڑا، این سی سی آئی اے کیوں طلب کیا گیا؟ محمد رضوان کا تحریری جواب

قومی کرکٹ ٹیم کے کھلاڑی محمد رضوان نے نیشنل سائبر کرائم انویسٹی گیشن ایجنسی کی جانب سے طلب کیے جانے پر اپنا تحریری جواب کورئیر کے ذریعے بھجوا دیا ہے۔

ذرائع کے مطابق محمد رضوان نے اپنے جواب میں نیشنل سائبر کرائم انویسٹی گیشن ایجنسی سے بعض بنیادی سوالات کے جوابات طلب کیے ہیں۔ انہوں نے استفسار کیا کہ انہیں ادارے کی جانب سے طلب کرنے کی اصل وجہ کیا ہے اور انہیں کس معاملے میں وضاحت دینے کے لیے بلایا جا رہا ہے۔

ذرائع کا کہنا ہے کہ قومی کرکٹر نے اپنے خط میں موبائل فون واپس نہ کیے جانے کا معاملہ بھی اٹھایا اور سوال کیا کہ ان کا موبائل فون اب تک انہیں واپس کیوں نہیں کیا گیا۔

محمد رضوان نے مزید مطالبہ کیا کہ اگر ان کی جانب سے کسی قسم کی ضابطے کی خلاف ورزی ہوئی ہے تو انہیں واضح طور پر آگاہ کیا جائے کہ انہوں نے کون سا ضابطہ توڑا ہے۔

ذرائع کے مطابق قومی کرکٹر نے نیشنل سائبر کرائم انویسٹی گیشن ایجنسی سے یہ بھی پوچھا کہ انہیں کس مخصوص وجہ یا معاملے کے تحت طلب کیا جا رہا ہے اور ادارہ ان سے کیا معلومات یا وضاحت حاصل کرنا چاہتا ہے۔

یوں محمد رضوان کے تحریری جواب میں نیشنل سائبر کرائم انویسٹی گیشن ایجنسی کی طلبی، موبائل فون کی واپسی اور مبینہ ضابطے کی خلاف ورزی سے متعلق متعدد سوالات اٹھائے گئے ہیں۔