اے آئی سے والد کو زہر دینے کا طریقہ پوچھنے والا ملزم جوڈیشل ریمانڈ پر جیل بھیج دیا گیا

اے آئی سے والد کو زہر دینے کے طریقے سے متعلق معلومات حاصل کرنے کے مقدمے میں عدالت نے ملزم کو 14 روزہ جوڈیشل ریمانڈ پر جیل بھیج دیا۔

تفصیلات کے مطابق نیشنل سائبر کرائم انویسٹی گیشن ایجنسی (این سی سی آئی اے) نے تین روزہ جسمانی ریمانڈ مکمل ہونے کے بعد ملزم کو لاہور کی عدالت میں پیش کیا، جہاں جوڈیشل مجسٹریٹ نعیم وٹو نے کیس کی سماعت کی۔

سماعت کے دوران عدالت نے تفتیشی افسر سے سوال کیا کہ کیا ملزم کے والد کو اس معاملے پر کوئی اعتراض ہے؟ جس پر تفتیشی افسر نے بتایا کہ والد کو کوئی اعتراض نہیں اور ملزم ان کا اکلوتا بیٹا ہے۔

تفتیشی افسر کے مطابق ملزم کے والد نے بیان دیا کہ ان کا بیٹا مختلف موضوعات پر تحقیق کرتا رہتا ہے۔

این سی سی آئی اے نے ملزم کے خلاف مقدمہ درج کر رکھا ہے، جبکہ معاملے کی مزید تحقیقات اور قانونی کارروائی جاری ہے۔