Entertainment
نانا پاٹیکر کی آخری رسومات سرکاری اعزاز کے ساتھ ادا
بالی ووڈ کے سینئر اداکار نانا پاٹیکر کی آخری رسومات بھارتی ریاست مہاراشٹر کے شہر پونے میں سرکاری اعزاز کے ساتھ ادا کردی گئیں۔
بھارتی میڈیا رپورٹس کے مطابق 75 سالہ اداکار کی میت گوا سے پونے منتقل کی گئی، جہاں ان کی خواہش کے مطابق دونجے گاؤں میں واقع ان کے فارم ہاؤس پر آخری رسومات ادا کی گئیں۔
اس موقع پر نانا پاٹیکر کی میت کو بھارتی پرچم میں لپیٹا گیا اور تین راؤنڈ فائر کرکے سرکاری سلامی پیش کی گئی۔ بعد ازاں ان کے بیٹے ملہار پاٹیکر نے آخری رسومات کے دوران چتا کو آگ دی۔
آخری رسومات میں فلمی شخصیات، سیاسی رہنماؤں، اہلِ خانہ اور ہزاروں مداحوں نے شرکت کی۔واضح رہے کہ نانا پاٹیکر 8 اکتوبر کو گوا میں اپنی رہائش گاہ پر چل بسےتھے۔
