Pakistan
ضلع خیبر میں نامعلوم افراد کی فائرنگ سے پولیس اہلکار شہید
ضلع خیبر کی تحصیل جمرود میں نامعلوم افراد کی فائرنگ سے پولیس اہلکار کامران شہید ہوگیا۔
پولیس کے مطابق واقعہ تھانہ جمرود کی حدود میں واقع علاقے جلال دین میں پیش آیا۔ پولیس اہلکار کامران اپنی رہائش گاہ سے ڈیوٹی کے لیے جارہا تھا کہ راستے میں نامعلوم افراد نے اسے فائرنگ کا نشانہ بنایا، جس کے نتیجے میں وہ موقع پر ہی شہید ہوگیا۔
فائرنگ کے بعد ملزمان موقع سے فرار ہوگئے۔ شہید پولیس اہلکار کا جسدِ خاکی جمرود اسپتال منتقل کردیا گیا ہے جبکہ ملزمان کی گرفتاری کے لیے علاقے میں سرچ آپریشن جاری ہے۔
