عالمی منڈی میں خام تیل سستا، برینٹ کی قیمت 108.80 ڈالر فی بیرل پر آگئی

عالمی منڈی میں خام تیل کی قیمتوں میں معمولی کمی ریکارڈ کی گئی ہے اور پیر کی صبح ایشیائی منڈیوں میں کاروبار کے آغاز پر برینٹ خام تیل کے مستقبل کے سودوں کی قیمت تقریباً ایک فیصد کم ہو کر 108.80 ڈالر فی بیرل پر آگئی۔

 قیمتوں میں یہ کمی امریکی صدر ڈونلڈ ٹرمپ کی جانب سے روس سے متعلق متعدد مجوزہ پابندیاں ختم کرنے کے فیصلے کے بعد سامنے آئی ہے، جبکہ گزشتہ جمعے کو خام تیل کی قیمتیں 19 مئی کے بعد بلند ترین سطح پر پہنچ گئی تھیں۔ 

رپورٹس کے مطابق پیر کی صبح ایشیائی مارکیٹوں میں کاروباری سرگرمیاں شروع ہوتے ہی عالمی منڈی میں خام تیل کی قیمتوں میں کمی دیکھی گئی۔ 

برینٹ خام تیل کے مستقبل کے سودوں کی قیمت تقریباً ایک فیصد کمی کے بعد 108.80 ڈالر فی بیرل ریکارڈ کی گئی۔ 

یہ پیش رفت ایسے وقت میں ہوئی جب امریکی صدر ڈونلڈ ٹرمپ نے جمعے کو ایک ایگزیکٹو آرڈر پر دستخط کرکے روس سے متعلق متعدد مجوزہ پابندیاں ختم کر دی تھیں۔ 

رپورٹ کے مطابق ان پابندیوں کا نفاذ چند روز بعد ہونا تھا، جن میں روسی مصنوعات پر محصولات اور روسی تیل و گیس خریدنے پر عائد کی جانے والی سزائیں بھی شامل تھیں۔ 

عالمی منڈی میں خام تیل کی قیمتوں میں یہ معمولی کمی جمعے کو ہونے والے اضافے کے بعد سامنے آئی ہے۔ 

جمعے کے روز کاروبار کے اختتام پر خام تیل کی قیمتیں 19 مئی کے بعد اپنی بلند ترین سطح پر پہنچ گئی تھیں۔ 

امریکی صدر ڈونلڈ ٹرمپ نے روسی برآمدات سے متعلق پابندیاں اور ٹیرف ہٹانے کے فیصلے کی وضاحت کرتے ہوئے کہا کہ اس اقدام کا مقصد روس کو مذاکرات کی میز پر برقرار رکھنے کی کوشش کرنا ہے۔ 

امریکی انتظامیہ کے اس فیصلے کے بعد پیر کو ایشیائی منڈیوں میں خام تیل کی قیمتوں میں معمولی کمی ریکارڈ کی گئی اور برینٹ خام تیل 108.80 ڈالر فی بیرل کی سطح پر آگیا۔