حوثیوں کے سعودی توانائی تنصیبات پر حملوں کے بعد خام تیل کی قیمتوں میں اضافہ

یمن کے حوثیوں کی جانب سے فوجی تربیتی کیمپ پر حملے اور سعودی عرب کی توانائی تنصیبات، ہوائی اڈوں اور فوجی مراکز کو دوبارہ نشانہ بنائے جانے کے بعد عالمی منڈی میں خام تیل کی قیمتوں میں معمولی اضافہ ریکارڈ کیا گیا ہے۔ 

رپورٹس کے مطابق برینٹ خام تیل کے مستقبل کے سودوں کی قیمت میں 17 سینٹ، یعنی 0.15 فیصد اضافہ ہوا، جس کے بعد اس کی قیمت 110.03 ڈالر فی بیرل تک پہنچ گئی۔ 

اس سے قبل کاروباری سیشن کے دوران سرمایہ کاروں کی جانب سے منافع سمیٹنے کے باعث برینٹ خام تیل کی قیمت میں 3 ڈالر فی بیرل سے زیادہ کمی ہوئی تھی۔ 

دوسری جانب امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل کی قیمت میں بھی 1.68 ڈالر، یعنی 1.66 فیصد اضافہ ہوا، جس کے بعد اس کی قیمت 103.09 ڈالر فی بیرل ہوگئی۔ 

خام تیل کی قیمتوں میں یہ تبدیلی سعودی عرب پر حوثیوں کے تازہ حملوں اور خطے کی سکیورٹی صورتحال سے متعلق خدشات کے دوران سامنے آئی ہے۔