ملائکہ اروڑا برقع پہن کر ابوظہبی کی مسجد پہنچ گئیں، تصاویر اور ویڈیو وائرل
بالی ووڈ اداکارہ اور معروف ماڈل ملائکہ اروڑا متحدہ عرب امارات کے شہر ابوظہبی میں واقع شیخ زاید گرینڈ مسجد پہنچ گئیں، جہاں وہ برقع پہنے اور سر ڈھانپے نظر آئیں۔ اداکارہ نے اپنے دورے کی تصاویر اور ویڈیوز انسٹاگرام پر شیئر کیں، جو دیکھتے ہی دیکھتے سوشل میڈیا پر توجہ کا مرکز بن گئیں۔
ملائکہ اروڑا نے انسٹاگرام پر مسجد کے دورے کی مختلف جھلکیاں شیئر کیں، جن میں انہیں روایتی اور باحجاب لباس میں دیکھا جاسکتا ہے۔
اداکارہ نے اپنی پوسٹ کے کیپشن میں مسجد سے متعلق اپنے تاثرات بیان کرتے ہوئے لکھا کہ کچھ مقامات انسان کو رک کر سوچنے پر مجبور کرتے ہیں، جبکہ کچھ جگہیں دل کو چھو جاتی ہیں، لیکن یہ مقام دونوں احساسات پیدا کرتا ہے۔
ملائکہ اروڑا کے اس دورے کے دوران معروف یوگا پریکٹیشنر اور کاروباری شخصیت سرویش ششی بھی ان کے ہمراہ موجود تھے۔
دونوں کی تصاویر اور ویڈیوز سامنے آنے کے بعد سوشل میڈیا پر ان کے باہمی تعلقات کے حوالے سے مختلف قیاس آرائیاں شروع ہوگئیں۔
تاہم ملائکہ اروڑا یا سرویش ششی کی جانب سے کسی رومانوی تعلق کی باضابطہ تصدیق نہیں کی گئی، اس لیے سوشل میڈیا پر گردش کرنے والی باتیں محض قیاس آرائیاں ہیں۔
واضح رہے کہ ملائکہ اروڑا اس سے قبل بھی اپنی ذاتی زندگی اور تعلقات کے باعث خبروں میں رہ چکی ہیں۔
بالی ووڈ اداکار ارجن کپور سے علیحدگی کے بعد بھی ان کی نجی زندگی کے حوالے سے سوشل میڈیا پر مختلف تبصرے اور قیاس آرائیاں سامنے آتی رہی ہیں۔
اب ابوظہبی کی شیخ زاید گرینڈ مسجد کے دورے، برقع میں سامنے آنے والی تصاویر اور انسٹاگرام پوسٹ نے اداکارہ کو ایک مرتبہ پھر سوشل میڈیا پر موضوع بحث بنا دیا ہے۔
