شاداب خان باؤنسر لگنے کے باعث فائنل نہ کھیل سکے

پاکستان اور سری لنکا کے درمیان کھیلے جانے والے ٹرائی نیشن سیریز کے فائنل میچ سے قومی ٹیم کے آل راؤنڈر شاداب خان باہر ہوگئے۔ 

شاداب خان سری لنکا کے خلاف میچ کے دوران باؤنسر لگنے کے باعث مکمل فٹ نہ ہوسکے، جس کی وجہ سے وہ فائنل میں شرکت نہ کرسکے۔ ان کی جگہ فہیم اشرف کو ٹیم میں شامل کیا گیا۔ 

پاکستان کرکٹ بورڈ (پی سی بی) نے بتایا ہے کہ شاداب خان طبی وجوہات کی بنیاد پر فائنل میچ میں شرکت نہیں کرسکیں گے۔ 

ذرائع کے مطابق شاداب خان کو سری لنکا کے خلاف ایک میچ کے دوران باؤنسر لگی تھی، جس کے بعد وہ فائنل کے لیے مکمل طور پر فٹ نہ ہوسکے۔ 

واضح رہے کہ ٹرائی نیشن سیریز کے فائنل میچ میں پاکستان نے سری لنکا کے خلاف ٹاس جیت کر پہلے فیلڈنگ کرنے کا فیصلہ کیا ہے۔